Belydenisklas Uitreik in Botswana
Die belydenisklas is elke jaar gedurende die Oktobervakansie betrokke by 'n uitreikprojek in ons gemeenskap. Dit vorm een van die hoogtepunte van die belydenisklas se onderrig en voorbereiding.
|
Vir meer inligting gaan na:
http://www.oosdoppers.co.za/mooirivier-kersmark.html
|
Opdrag van die Projektekomitee
Hierdie komitee se opdrag is om fondse vir uitreikprojekte in te samel. Let Wel: Hierdie fondse vervang nie jou maandelikse dankoffer nie, dit is bo en behalwe lidmate se kerklike bydraes. Dit is ’n addisionele inkomste waardeur ons veral ons opdrag kan nakom om die Woord na buite uit te dra.
Hoe gaan ons dit doen?
Eerstens deur voorbidding. Ons het in die verlede gesien dat wanneer ons projekte met die regte gesindheid aanpak, die Here ons projekte seën en ons help om dit suksesvol af te handel. Om die projekte egter uit te voer, het ons die hulp en ondersteuning van elke gemeentelid nodig.
Hoekom doen ons dit?
Om ons gemeente terselfdertyd na binne en na buite op te bou. Deur saam te werk, word lidmate ook onderling in liefde saamgebind. Daar is baie uitbreidings en verbeterings wat ons aan ons geboue wil aanrig Ons groot doelwit is egter om ons bedieningsfokus finansieël te ondersteun, naamlik om die liefde van Christus in die wêreld te verkondig en uit te leef. Uitreikprojekte moet dus befonds word.
Vanjaar se projekte:
Gholfdag – 23 Maart 2018 – Walter Plotz, Ryan Bezuidenhout en Nicolaas Erasmus
Gholfdag is baie afhanklik van borge vir die dag en ons is dankbaar wanneer die lidmate ons hierin ondersteun. Die jongmanne in die gemeente neem leiding met die reël van hierdie geleentheid.
Oosdopperfees – 26 Mei 2018
Hierdie gewilde projek op ons Oosdopperkalender word deur `n groot span bestuur met verteenwoordigers uit alle afdelings en ouderdomme uit die gemeente. Ons gemeente is bekend vir die heerlike verskeidenheid vleis wat aangebied word en ook vir die lekkerste wors in Potchefstroom – om nie te praat van die ander aktiwiteite en kos nie!
Gaweveiling & Kuieraand – 3 Augustus
Elke lidmaat in die gemeente is geseënd met gawes wat God aan ons gegee / geleen het. So kan elkeen wat sy weg oopsien, van sy gawes skenk om op die veiling te verkoop. Ons wil dit graag benadruk dat dit nie ‘n witolifant-of skrootveiling is nie.
Gaan dink bietjie kreatief oor die gawes / seëninge wat jy kan aanbied, byvoorbeel:Houtwerk: skenk ‘n handgemaakte hout item; Beskuitbak: skenk 5kg beskuit; Geseënd met ‘n vakansiehuis iewers: skenk ‘n week of twee. Jou professionele dienste: opstel van ‘n testament, wiskundeklasse, klavierlesse, rekenaarvaardigheidslesse, ens.; ’n ete vir twee, babaoppasdiens, ‘n geskenkmandjie, katte of honde versorg tydens vakansies ens.
Ons stel dan ‘n lys op met alles wat geskenk is en hou dan ‘n gaweveilingaand met iets te ete en te drinke.
Terwyl ons gesellig saam verkeer, het ons ‘n bekkige afslaer wat die gawes per veiling verkoop.
Alles word verkoop sonder reserwepryse.
Skakel gerus vir: Christo van der Walt (083 644 6194) of
Rieëtte Venter (082 898 4197)
as jy iets wil gee vir die veiling of meer inligting benodig.
Mooirivier Kersmark - 30 November – 8 Desember- Rieëtte Venter en volledige komitee
’n Uitstalgeleentheid onder een dak met uitgesoekte en gekeurde uitstallers vir 7 dae. ’n Uitstalfooi word betaal en die gemeente verdien ook kommissie op die uitstaller se omset tydens die Kersmarktyd. Na 7 jaar is hierdie projek mooi gevestig en ons bou elke jaar voort met groot genade van Bo. Die gemeente is ook baie betrokke by hierdie projek en help dat alles op geoliede wiele loop!
| 2_registrasievorm_afr_2018.pdf |
| 1_inligtingstuk_afr_2018.pdf |
| oosdopperfees_dankbaarheidslys__2016_finaal.pdf |